Exodus 28

1Iahova biteni mun mi Mosis bit, “Ukes tumali Eron itel natnali xil ak limei: Nadab, Abihu, Eliesar, e Itamar. Uhosei xil ra mol-Isrel sav xil tengan xil lipol minou ixoni pris navan xil. 2Upol ni eising na Eron ihos mak mu, ipin ni polien na pris tei xa isak ni moletin xil ti limerere ni. Ti, ukes viton ngan xil vus xa labe metisou te titilen tengan limei litil eising nan. Ti, uling hem e Eron tengan ipisen ni xa xi bemei be pris tei navan.”

Mol-Isrel Xil Langgur Xoteh Hitxatien te Xeih Nae Del Iahova e Lamot mi Nanao Tei

Eksodas 32:7-16, 19-23, 30-35

Melele xa Hi di misepin mi Mosis, moletin xil lanemi labit Mosis mireru pupu e latakil ti naha ngguia. Misak ni, xil langgeih xat Eron tengan vapol ni nanao tova xa ti limot mini. Ma Eron mileh gol nae xil e pol ni nanao tei xa nggur nanao na buluk. Melele xa moletin xil lapusi, lasa sanien eo xil mini e labol mini del sien. Xil lakei be nesao labit, “!Ngan ak be hi xa teleh rerat xir ra hal Isip!”

3